Skýrsla
vinnuhóps um tungutækni
Menntamálaráðherra, Björn
Bjarnason, skipaði
haustið 1998
vinnuhóp til að gera könnun á
hvernig mætti efla tungutækni hér
á landi. Í vinnuhópnum voru: dr. Rögnvaldur
Ólafsson
eðlisfræðingur, Eiríkur
Rögnvaldsson
málfræðingur og Þorgeir
Sigurðsson
rafmagnsverkfræðingur. Hópurinn
skilaði tillögum sínum í skýrslu
síðla vetrar, og
lagði m.a. til að stjórnvöld
gerðu átak til þess að efla
tungutækni og veittu verulegu fé til
þess. Í framhaldi af því var
svo veitt til tungutækni 104 milljónum
króna í fjáraukalögum
2000 og
fjárlögum ársins 2001.
Verkefnisstjórn
Menntamálaráðherra
skipaði
í nóvember 2000 verkefnisstjórn til
þess að koma með tillögur að
ráðstöfun þessa fjár.
Í henni eiga sæti: Ari
Arnalds, formaður, Bjarki
Brynjarsson, Höskuldur
Þráinsson
og Erla Skúladóttir [tók við
af
Kristínu Haraldsdóttur]. Með henni
starfar Rögnvaldur
Ólafsson á
vegum
menntamálaráðuneytisins.
Hlutverk
verkefnisstjórnarinnar er að:
-
stuðla að því að
íslenskan verði áfram lifandi
tungumál íslensku
þjóðarinnar í
upplýsinga- og þekkingarsamfélagi 21.
aldarinnar.
-
stuðla að því að til
verði nauðsynleg tungutækniverkfæri
fyrir þann tæknibúnað sem
notaður verði í daglegu lífi og
starfi.
-
skapa grundvöll fyrir
tungutækniiðnað á
Íslandi.
-
skapa grundvöll fyrir útflutning á
iðnaðarframleiðslu og þekkingu
í tungutækni.
Samstarf
við fyrirtæki, einstaklinga og stofnanir
Verkefnisstjórnin
mun ræða við
þá aðila sem hafa hagsmuna að
gæta vegna tungutækniverkefna eða
búa yfir þekkingu sem má
nýta í tungutækniverkefnum og kynna
sér viðhorf þeirra og hugsanlegar
tillögur um samstarf. Jafnframt verður
auglýst eftir aðilum sem kynnu að vilja taka
þátt í slíkum
viðræðum.
Almenn
kynning á tungutækni
Verkefnisstjórnin
mun beita sér fyrir almennri
kynningu á tungutækni meðal almennings og
fyrirtækja í landinu. Það hyggst
hún gera með kynningu í
fjölmiðlum, almennum kynningarfundum, fyrirlestrahaldi
og öðru slíku. Einnig verður
komið upp vefsíðu með
upplýsingum um verkefnið og tungutækni
almennt. Gefinn hefur verið út kynningarbæklingur
um tungutækni og
tungutækniáætlunina.
Fyrirkomulag
útboða, samstarfssamninga og eignarhalds
þekkingargrunna
Við
ráðstöfun þeirra
fjármuna sem veitt verður til
tungutækniverkefnisins þarf að
gæta þess að þeir
nýtist sem best til að tryggja
stöðu íslenskar tungu í
upplýsingatækni og til að koma
á fót arðbærri starfsemi
á þessu sviði hér á
landi.
Því
er
nauðsynlegt að starfsemi
á þessu sviði verði sem mest
drifin áfram af markaðnum, þ.e. af
þeim aðilum sem sjá sér hag
í að uppfylla kröfur sem
markaðurinn gerir. Þó kann að vera
að sum þau verkefni, sem nauðsynlegt er
að ráðast í séu ekki
arðbær ein og sér. Það
á meðal annars við um hagnýt
rannsóknaverkefni. Tryggja þarf að
niðurstöður slíkra verkefna
verði öllum aðgengilegar þannig
að þær nýtist öllum til
rannsókna og vöruþróunar.
Verkefnisstjórnin
mun láta skilgreina reglur um
útboð, samninga og eignarhald
þekkingargrunna sem ná þeim
markmiðum sem að ofan er lýst.
Þróun
þekkingargrunna
Í
framhaldi af
greiningarvinnu sem um er fjallað
hér að framan mun verkefnisstjórnin beita
sér fyrir gerð þekkingargrunna sem
önnur verkefni geta nýtt sér og byggt
á.
Verkefnisstjórnin
gerir ráð fyrir
að verkefni af þessu tagi verði sett af
stað eftir verkefnaáætlun sem
ráðuneytið hefur samþykkt.
Útboð verði notuð til þess
að velja verktaka og að fylgt verði
viðurkenndum útboðsreglum til að
tryggja jafnræði. Samningar um verkefnin
verða gerðir eftir þeim formálum
sem þróaðir verða. Meðan
á vinnslu rannsóknarverkefnis stendur er gert
ráð fyrir að verkefnisstjórnin
hafi eftirlit með því að
verkið sé unnið í
samræmi við áætlanir og samning.
Vonast
er til að
gerð þekkingargrunna geti
hafist haustið 2001.
Stuðningur
við einstök verkefni
Gert
er ráð fyrir stuðningi við
einstök verkefni fyrirtækja, útflutning
á þekkingu á þessu
sviði til annarra málsvæða og
fleira slíkt. Það yrði gert til
skamms tíma því
markmiðið er að leggja grunn að
sjálfbærum verkefnum.
ESB
verkefni, norrænt samstarf,
alþjóðlegt samstarf
Nauðsynlegt
er
að nýta sem best
þá vinnu sem þegar hefur verið
unnin, eða er verið að vinna, á
erlendum vettvangi. Alþjóðlegt samstarf
gæti flýtt fyrir verkefnum hér
á landi og tryggt aðgang að
stöðlum og verklagi. Íslendingar hafa m.a.
aðgang að norrænu samstarfi og samstarfi
á vegum tækni- og
vísindaáætlana ESB. Gert er
ráð fyrir að styrkja íslenska
þátttakendur í erlendum
samstarfsverkefnum.
 
|
