9.4. 2002

Norrænt námskeið um talmálsbanka í Gautaborg

Norrænt rannsóknanámskeið um talmálsbanka, "Using Spoken Language Corpora" verður haldið 19.-24. ágúst í sumar í Gautaborg. Þetta er þverfaglegt námskeið þar sem fjallað verður um aðferðir við söfnun, greiningu og úrvinnslu talmálsgagna frá sjónarhóli hljóðfræði, málvísinda og tungutækni. Einnig verða kynntir ýmsir norrænir talmálsbankar, þ. á m. íslenski bankinn ÍS-TAL. Námskeiðið er á vegum samstarfsnetsins Nordtalk, sem styrkt er af norrænu tungutækniáætluninni, og er ætlað framhaldsnemum og fræðimönnum. Þátttakendur fá greiddar ferðir og uppihald.

Umsóknarfrestur er til 15. apríl, en allar nánari upplýsingar má finna á vefnum: http://www.ling.gu.se/projekt/nordtalk/

Eiríkur Rögnvaldsson prófessor veitir einnig nánari upplýsingar,  eirikur@hi.is, sími 525-4403.