17.4. 2002

51,6 milljónum varið til tungutækniverkefna

Menntamálaráðuneytið hefur úthlutað styrkjum úr tungutæknisjóði sem komið var á fót til að efla íslenska tungu í upplýsingasamfélaginu. Samtals voru veittir átta styrkir að fjárhæð 36,6 milljónir króna. Síðar verður 10 milljónum varið til þróunar talmálsgrunna og 5 milljónum til að semja orðalista sem auðveldar þýðingu hugbúnaðar. Einkum voru nú veittir styrkir til þróunar á texta- og talmálsgrunnum sem eiga að vera öllum opnir og nýtast til að búa til tungutækniverkfæri á íslensku. Styrkir voru einnig veittir til hagnýtra tungutækniverkefna. Sjá nánar hér.