Norrænt semínar í tungutækni í Odda 28. maí nk.

Haldið verður norrænt semínar í tungutækni í Odda, Háskóla Íslands, miðvikudaginn 28. maí nk. á vegum Norrænu rannsóknaáætlunarinnar í tungutækni (Nordisk sprogteknologisk forskningsprogram) og Verkefnisstjórnar um tungutækni. Þar verða annars vegar kynnt nokkur íslensk verkefni sem Tungutæknisjóður hefur styrkt, og hins vegar sagt frá nokkrum norrænum samstarfsnetum á sviði tungutækni sem norræna áætlunin styrkir. Semínarið er opið öllum áhugamönnum um þessi efni og þátttökugjald er ekkert.

Skráning fer fram með tölvupósti á netfangið nodalida03@hugvis.hi.is. Á sama netfangi er hægt að skrá sig á máltölvunarráðstefnuna NODALIDA sem haldin verður á sama stað 30.-31. maí, sbr. frétt hér.