Á 21. Rask-ráðstefnunni, sem Íslenska málfræðifélagið gengst fyrir laugardaginn 27. janúar, verða flutt tvö erindi um efni á sviði tungutækni. Hrafn Loftsson og Eiríkur Rögnvaldsson tala þar um hlutaþáttun íslensks texta kl. 13, og Jón Hilmar Jónsson talar um efnivið og uppbyggingu Íslensks orðanets kl. 13:30. Ráðstefnan  hefst kl. 9 á laugardagsmorgun og er haldin í fyrirlestrasal Þjóðminjasafns Íslands. Öllum er heimill ókeypis aðgangur.