Stefnt er að því að frá og með hausti 2007 bjóði Háskóli Íslands og Háskólinn í Reykjavík upp á sameiginlegt meistaranám í máltækni (tungutækni). Námið er jafnframt í samvinnu við Nordic Graduate School of Language Technology (NGSLT). Markmið  námsins er tvíþætt. Annars vegar að búa nemendur undir doktorsnám á sviði máltækni og hins vegar að útskrifa nemendur sem hafa þekkingu til að stjórna verkefnum og útfæra lausnir á þessu sviði. Upplýsingar um námið er að finna hér, en þeim sem hafa áhuga á því er bent á að hafa samband við Eirík Rögnvaldsson eða Hrafn Loftsson.