Á Vísindavöku Rannís föstudaginn 28. september kynnti hugbúnaðarfyrirtækið Hexia nýja þjónustu sem nýtir talgervilinn Röggu. Ragga er nýr íslenskur talgervill sem gerður var í samvinnu Hexiu, Símans, Trackwell, Háskóla Íslands, og alþjóðafyrirtækisins Nuance, og styrktur af Tungutæknisjóði. Á vef Hexiu er hægt að sækja íhlut í vafra notenda sem gerir þeim kleift að láta Röggu lesa íslenskan texta á hvaða vefsíðu sem er. Þessi þjónusta er ókeypis, en Hexia býður einnig ýmsa tengda þjónustu gegn gjaldi.