Menntamálaráðherra, Björn Bjarnason, skipaði haustið 1998 vinnuhóp til að gera könnun á hvernig mætti efla tungutækni hér á landi. Í vinnuhópnum voru: dr. Rögnvaldur Ólafsson eðlisfræðingur, Eiríkur Rögnvaldsson málfræðingur og Þorgeir Sigurðsson rafmagnsverkfræðingur. Hópurinn skilaði tillögum sínum í skýrslu síðla vetrar, og lagði m.a. til að stjórnvöld gerðu átak til þess að efla tungutækni og veittu verulegu fé til þess. Skýrsluna má lesa hér í heild.

Tungutækni: Skýrsla starfshóps

Tungutækniverkefni menntamálaráðuneytisins lauk í árslok 2004. Hinn 30. nóvember 2004 stóð verkefnisstjórn um tungutækni fyrir ráðstefnu í Salnum í Kópavogi, þar sem kynnt voru flest helstu verkefni sem áætlunin hefur styrkt. Erindin á ráðstefnunni voru gefin út í bæklingi ásamt ávarpi menntamálaráðherra og yfirliti Rögnvaldar Ólafssonar verkefnisstjóra um tungutækniverkefnið. Bæklinginn má lesa hér í heild.

Samspil tungu og tækni. Afrakstur tungutækniverkefnis menntamálaráðuneytisins

Árið 2005 fól Málráð Norðurlanda (Nordens sprogråd) þeim Kimmo Koskenniemi prófessor í Helsinki og Torbjørn Nordgård prófessor í Þrándheimi að semja skýrslu, svonefnt "Vismansrapport", um stöðu tungutækni á Norðurlöndum og nauðsynlegar aðgerðir til að koma Norðurlöndum í fremstu röð á þessu sviði á næstu 10 árum. Þessari skýrslu var skilað vorið 2006 og hana má lesa hér í heild.

The Nordic Countries - A leading Region in Language Technology - pdf

Í ársbyrjun 2008 gaf Tungutæknisetur út fyrstu skýrsluna um starfsemi sína. Skýrslan tekur til tímabilsins maí 2006 til ágúst 2007. Hana er að finna hér:

The Icelandic Centre for Language Technology (ICLT). Annual Report May 2006-August 2007