Aðalsteinn Eyþórsson [heimasíða]
Málfræðingur hjá orðfræðisviði Stofnunar Árna Magnússonar í íslenskum fræðum. Hefur gert orðstöðulykla að ýmsum textum og haft umsjón með textasafni sviðsins. Er nú ritstjóri ÍSLEX.

Anna Björk Nikulásdóttir [heimasíða]
Meistaranemi í tungutækni við Universität Heidelberg. Skrifaði meistaraprófsritgerð um vélrænan útdrátt merkingarvensla úr einmálaorðabókum.

Ari Arnalds
Rafmagnsverkfræðingur. Formaður verkefnisstjórnar í tungutækni 2000-2004.
 
Arnar Þór Jensson
Rafmagns- og tölvuverkfræðingur frá Háskóla Íslands. Meistarapróf í rafmagns- og tölvuverkfræði frá Furui Laboratory í Tokyo Institute of Technology. Er í doktorsnámi við sömu stofnun og vinnur að talkennslum og talgreinikerfum.

Arnór Guðmundsson
Skrifstofustjóri í menntamálaráðuneytinu. Umsjónarmaður með tungutækniáætlun ráðuneytisins 2000-2004.

Auður Hauksdóttir [heimasíða]
Dósent í dönsku við Háskóla Íslands og forstöðumaður Stofnunar Vigdísar Finnbogadóttur í erlendum tungumálum. Stjórnandi CALL-netsins sem styrkt var af norrænu rannsóknaráætluninni í tungutækni.

Auður Þórunn Rögnvaldsdóttir
Tölvuverkfræðingur hjá orðfræðisviði Stofnunar Árna Magnússonar í íslenskum fræðum. Hefur unnið að þróun íslensks markara, íslenskri beygingarlýsingu og markaðri íslenskri málheild.

Ásta Svavarsdóttir [heimasíða]
Rannsóknardósent hjá orðfræðisviði Stofnunar Árna Magnússonar í íslenskum fræðum. Verkefnisstjóri í íslenska hlutaLEXIN-verkefnisins. Í verkefnisstjórn markaðrar íslenskrar málheildar.

Baldur Jónsson [upplýsingar]
Fyrrverandi prófessor í íslenskri málfræði við Háskóla Íslands og forstöðumaður Íslenskrar málstöðvar . Brautryðjandi á Íslandi í notkun tölva við málfræðileg verkefni. Í orðanefnd Skýrslutæknifélags Íslands.

Bjarki A. Brynjarsson
Doktor í verkfræði frá Norges teknisk-naturvitenskapelige universitet í Þrándheimi. Stjórnandi hjá Askar Capital, áður forseti tækni- og verkfræðideildar Háskólans í Reykjavík. Í verkefnisstjórn um tungutækni 2000-2004.

Björn Jónsson
MSc í tölvuverkfræði frá University of Texas í Austin. Áður framkvæmdastjóri Grunns gagnalausna og í verkefnisstjórn Hjals. Sviðsstjóri upplýsingatæknisviðs Landspítala- Háskólasjúkrahúss.

Björn Kristinsson [heimasíða]
BA í ensku og MA í tungutækni frá Háskóla Íslands. Vann hjá  Hex, m.a. við Hjal og Röggu. Býr nú og vinnur í Belgíu. Skrifaði meistaraprófsritgerð um forvinnu við talgervil.

Eiríkur Rögnvaldsson [heimasíða]
Prófessor í íslenskri málfræði við Háskóla Íslands og umsjónarmaður MA-náms í tungutækni. Fulltrúi Íslands í stjórn NGSLT (norræna tungutækniháskólans). Einn af höfundum skýrslu starfshóps um tungutækni. Í verkefnisstjórn ýmissa tungutækniverkefna. Forstöðumaður Tungutækniseturs.

Friðrik Skúlason
Tölvunarfræðingur, á og rekur hugbúnaðarfyrirtækið Friðrik Skúlason ehf. Brautryðjandi í íslenskri tungutækni. Höfundur stafsetningarleiðréttingaforritsins Púki. Vann að vélrænni íslenskri setningagreiningu.

Guðrún Magnúsdóttir [upplýsingar]
Málfræðingur - starfar í Grikklandi. Byggði upp kennslu í tungutækni við Gautaborgarháskóla. Á og rekur hugbúnaðarfyrirtækið ESTeam AB, sem vinnur að mörgum stórum verkefnum á sviði vélrænna þýðinga. [Frekari upplýsingar.]

Heiðar Jón Hannesson
Eðlisfræðingur og MBA hjá Vika ehf.  Fulltrúi Íslands í EUROMAP-verkefninu.

Helga Waage [heimasíða]
M.AI. (Master of Artificial Intelligence) frá University of Pittsburgh. Tæknilegur framkvæmdastjóri hjá Hex hugbúnaði.  Verkefnisstjóri í Hjali. Hefur unnið að ýmsum tungutækniverkefnum sem tengjast samskiptum manns og tölvu.

Hjálmar Gíslason [heimasíða]
Stofnandi Spurl.net og höfundur leitarvélarinnar Emblu. Forstöðumaður vöruþróunar hjá Símanum. Hefur unnið að  tungutækniverkefnum í samstarfi við  orðfræðisvið Stofnunar Árna Magnússonar í íslenskum fræðum, m.a. veflægri orðmyndabók og íslenskum textaskima.

Hrafn Loftsson [heimasíða]
MSc í tölvunarfræði frá Pennsylvania State University og doktor í tungutækni frá Department of Computer Science, University of Sheffield. Lektor í tölvunarfræði við tölvunarfræðideild Háskólans í Reykjavík. Hefur unnið að gerð íslensks reglumarkara og íslensks hlutaþáttara. Stjórnarmaður í Tungutæknisetri.

Höskuldur Þráinsson [heimasíða]
Prófessor í íslenskri málfræði við Háskóla Íslands. Verkefnisstjóri við gerð fyrsta íslenska talgervilsins um 1990. Í verkefnisstjórn í tungutækni 2000-2004.

Jón Guðnason [heimasíða]
Rafmagns- og tölvuverkfræðingur frá Háskóla Íslands og doktor  í rafmagnsverkfræði frá Imperial College í London, Communications and Signal Processing Group. Vinnur að raddþekkingu.

Jón Hilmar Jónsson [heimasíða]
Rannsóknarprófessor á orðfræðisviði Stofnunar Árna Magnússonar í íslenskum fræðum. Hefur unnið að íslenskri orðasambandaskrá og er annar höfunda Íslensks orðanets.

Jörgen Pind [heimasíða]
Prófessor í sálfræði við Háskóla Íslands - áður forstöðumaður Orðabókar Háskólans. Brautryðjandi í tölvunotkun við orðabókagerð á Íslandi. Ritstjóri Íslenskrar orðtíðnibókar.

Kristín Bjarnadóttir [heimasíða]
Málfræðingur hjá orðfræðisviði Stofnunar Árna Magnússonar í íslenskum fræðum. Verkefnisstjóri við gerð íslenskrar beygingarlýsingar. Í verkefnisstjórn markaðrar íslenskrar málheildar.

Laufey Leifsdóttir
BA í íslenskri málfræði og MA-nemi í tungutækni við Háskóla Íslands. Ritstjóri orðabóka hjá Eddu útgáfu.

Maren Albertsdóttir
BA í íslenskri málfræði. Vann hjá Friðriki Skúlasyni ehf. að þróun vélrænnar íslenskrar setningagreiningar. Nú laganemi við Háskóla Íslands.

Margrét Dóra Ragnarsdóttir [heimasíða]
MSc í tölvunarfræði frá Háskóla Íslands. Skrifaði lokaritgerð um notkun tungutækni í flugumferðarstjórn  og hefur kennt námskeið um samskipti manns og tölvu við Háskóla Íslands.

Matthías Magnússon
Eigandi Alnets ehf. Hefur lengi fengist við útgáfu tölvuorðabóka og rekur vefsetrið ordabok.is. Vinnur nú að gerð þýðingarforrits til að þýða úr íslensku á ensku.

Pétur Helgason [heimasíða]
Doktor í hljóðfræði frá Stokkhólmsháskóla. Vísindamaður við málvísindadeild Uppsalaháskóla. Vann við gerð fyrsta íslenska talgervilsins um 1990.

Ragnheiður H. Magnúsdóttir
Áður verkfræðingur hjá Símanum og vann þar að verkefnum á sviði talþjónustu. Stjórnaði upptökum hljóðsýna í Hjali. Nú framkvæmdastjóri Mentis hf.

Rögnvaldur Ólafsson [heimasíða]
Dósent í eðlisfræði við Háskóla Íslands. Aðalhöfundur skýrslu starfshóps um tungutækni. Verkefnisstjóri tungutækniverkefnis menntamálaráðuneytis 2000-2004.

Sigrún Gunnarsdóttir [upplýsingar]
MS í Educational Technology frá Purdue University og MS í upplýsinga- og tölvunarfræði frá University of California í Irvine. Áður verkefnisstjóri hjá rannsóknadeild Símans. Hefur unnið að ýmsum verkefnum sem tengjast samskiptum manns og tölvu, m.a. Hjali. [Frekari upplýsingar.]

Sigrún Helgadóttir [upplýsingar]
MSc í tölfræði frá University of Liverpool - verkefnisstjóri hjá orðfræðisviði Stofnunar Árna Magnússonar í íslenskum fræðum. Formaður orðanefndar Skýrslutæknifélags Íslands og ritstjóri fyrstu tveggja útgáfna af Tölvuorðasafni. Stýrði vinnu við þróun íslensks markara og er nú verkefnisstjóri við gerð markaðrar íslenskrar málheildar. Stjórnarmaður í Tungutæknisetri.

Stefán Briem [heimasíða]
Eðlisfræðingur, sjálfstætt starfandi við tungutækni og þýðingar. Hefur þróað hugbúnað fyrir vélrænar þýðingar milli ensku, íslensku og esperantos. Ritstjóri Tölvuorðasafns. Einn af höfundum Íslenskrar orðtíðnibókar og skrifaði mörkunarforrit til frumgreiningar orðaforðans þar.

Stefán Einar Stefánsson
Tölvunarfræðingur hjá Friðriki Skúlasyni ehf. Vann að þróun vélrænnar íslenskrar setningagreiningar.

Steinþór Steingrímsson
BA í íslensku og BS í tölvunarfræði frá Háskóla Íslands. MSc í tungutækni frá Edinborgarháskóla.

Sæmundur E. Þorsteinsson [upplýsingar]
Rafmagnsverkfræðingur frá Háskóla Íslands og Dipl.Ing. frá Technische Universität Darmstadt. Forstöðumaður rannsóknadeildar Símans. Formaður verkefnisstjórnar í Hjali.

Valdís Ólafsdóttir
BA í íslenskri málfræði og MA í tungutækni frá Háskóla Íslands. Vann við Hjal. Skrifaði meistaraprófsritgerð um meðferð talna og skammstafana fyrir íslenskan talgervil.  Vinnur nú hjá Mentis hf.

Þorgeir Sigurðsson
Verkfræðingur og málfræðingur. Vann hjá Staðlaráði Íslands, m.a. að stafatæknimálum. Einn af höfundum skýrslu starfshóps um tungutækni.

Þórarinn Stefánsson
Framkvæmdastjóri hjá Hex hugbúnaði. Í verkefnisstjórn Hjals.

Þórdís Úlfarsdóttir
Málfræðingur hjá orðfræðisviði Stofnunar Árna Magnússonar í íslenskum fræðum. Vann að gerð íslenskrar beygingarlýsingar og hefur unnið við ýmis orðabókarverkefni. Er nú aðalritstjóri ÍSLEX og annar höfunda Íslensks orðanets.

Þórunn Blöndal [heimasíða]
Lektor í íslensku við Kennaraháskóla Íslands. Stjórnandi ÍS-TAL verkefnisins (íslensks talmálsbanka). Þátttakandi í  Nordtalk-netinu sem styrkt var af norrænu rannsóknaráætluninni í tungutækni.

Örn Kaldalóns [heimasíða]
Kerfisfræðingur. Framkvæmdastjóri hjá Icepro. Í orðanefnd Skýrslutæknifélags Íslands.